كل يوم مهارة ... إدارة الوقت 1
1 أغسطس 2012
ادارة الوقت دا موضوع مش صعب ابدا ... المساله بس محتاجه محاولات مستمره وكمان شوية تدريب وبكده الدنيا هتمشي ،وعلي فكره احنا بنفذ دا دايما ... يعني اصلا احنا بنظم وقتنا في امور حياتنا العادية بتلقائية و من غير ترتيب يعني مثلا الصبح و انت رايح الشغل .. بتصحي من النوم تحط البراد علي النار وتطلع العيش تحطه في الفرن علشان يسخن وعلي دا ما يحصل تكون ااخدت الدش المتين وتخرج تصب الشاي ولا النسكافيه وعلي ما يبرد تكون لبست هدومك وبعدين تفطر ووانت بتفطر تبص بصه علي الجرايد تعرف اخبار الدنيا ايه ولا تتفرج علي برنامج صباح الخير يا مصر علشان تشوف احوال الدنيا ...وبعدين تنزل تروح علي شغلك ... حتي لو مبتعملش كل دا ... هتلاقي برضه انك بتنادي علي ماما تكوي القميص علي ما تاخد دش .. مش بقو لكم ان الموضوع بسيط .
انا الحقيقه من الناس الي بحب تنظيم الوقت جدا ... لدرجة ان عندي كلمات كده لما بسمعها بحس انها ولا الشتيمة .. يعني لو بتكلم مع حد في موضوع او بطلب طلب ... و يرد عليا "ربنا يسهل " مبرفش امسك نفسي الحقيقه ... يعني قولي ان شاء الله كمان 10 سنين الساعة 3 الظهر ... وعندي استعداد استني ال 10 سنين ولا اني اسمع كلمة ربنا يسهل .. طباع باه ..
القران الكريم علمنا تنظيم الوقت ...
ولأهمية الوقت أقسم الله في القرآن الكريم به - وهو الغني عن القسم - عدةَ مراتٍ؛ قال - تعالى -: {وَالْفَجْرِ * وَلَيَالٍ عَشْرٍ} [الفجر: 1، 2]، وقال - تبارك وتعالى -: {وَالضُّحَى * وَاللَّيْلِ إِذَا سَجَى} [الضحى: 1، 2]، وقال أيضًا: {وَالْعَصْرِ * إِنَّ الْإِنْسَانَ لَفِي خُسْرٍ} [العصر: 1، 2]، وقال - عز وجل -: {وَاللَّيْلِ إِذَا يَغْشَى * وَالنَّهَارِ إِذَا تَجَلَّى} [الليل: 1، 2]، ومن المعروف لدى المفسِّرين أن الله إذا أقسم بشيء مِن خلْقِه، فذلك ليلفتَ أنظارَهم إليه، وينبههم إلى جليل منفعته.
كما أن الله - جل شأنه - حدَّد لنا أوقاتًا للعبادات المفروضة، ومن أمثلتها قوله - عز وجل - في الصلاة: {فَأَقِيمُوا الصَّلَاةَ إِنَّ الصَّلَاةَ كَانَتْ عَلَى الْمُؤْمِنِينَ كِتَابًا مَوْقُوتًا} [النساء: 103]، وقوله - تعالى -: {أَقِمِ الصَّلَاةَ لِدُلُوكِ الشَّمْسِ إِلَى غَسَقِ اللَّيْلِ وَقُرْآنَ الْفَجْرِ إِنَّ قُرْآنَ الْفَجْرِ كَانَ مَشْهُودًا} [الإسراء: 78]، وقوله - تعالى -: {وَأَقِمِ الصَّلَاةَ طَرَفَيِ النَّهَارِ وَزُلَفًا مِنَ اللَّيْلِ} [هود: 114]، وفي الصيام قوله - جل وعلا -: {أَيَّامًا مَعْدُودَاتٍ} [البقرة: 184]، وقوله - تعالى -: {شَهْرُ رَمَضَانَ الَّذِي أُنْزِلَ فِيهِ الْقُرْآنُ هُدًى لِلنَّاسِ وَبَيِّنَاتٍ مِنَ الْهُدَى وَالْفُرْقَانِ فَمَنْ شَهِدَ مِنْكُمُ الشَّهْرَ فَلْيَصُمْهُ} [البقرة: 185]، وفي الحج قوله - تبارك وتعالى -: {الْحَجُّ أَشْهُرٌ مَعْلُومَاتٌ} [البقرة: 197]."المصدر"
يعني ايه ادارة وقت ...
ناس كتير اختلفت علي تعريف مفهوم ادارة الوقت لكن اكثر التعريفات الي انا شخصيا اقتنعت بيها " إدارة الوقت هي محاولة ترويض الوقت وفرض سيطرتنا عليه ،بدلاً من أن يفرض سيطرته علينا. "
طيب ادارة الوقت مش موضوع صعب زي ا قلنا في الاول هو بس محتاج شوية تدريب واصرار علي التنفيذ خاصة ان النتائج هتكون حلوة جدا ....
الوقت ليه خصائص ...
1- انه بيمر بسرعة .
2- كمان الي بيروح منه مبيرجعش .
3- هو اثمن واغلي ما ملك الانسان .. وعلشان كده لازم نحافظ عليه.
علشان تنظم وقتك بفاعلية لازم تراعي اربع قواعد مهمه جدا ...
1- حدد أهدافك وأولوياتك.
من غير هدف واضح ومحدد وصريح مش هتقدر تنظم وقتك بشكل فعال وايجابي ... وعلشان احدد اهدافي لازم اكون عارف ان من خصائص الهدف " الوضوح – قابل للتحقيق مش حلم يعني – قابل للقياس يعني اقدر اقيس وصولي للهدف – مرتبط تنفيذها بوقت "
واهم حاجه ممن تساعدنا في ذلك اننا نحدد اولوياتنا ... فاكرين زمان في الرياضيات كنا بناخد حاجه اسمها المصفوفه ... طبعا مش فاكرين حاجه بس ما علينا المصفوفه دي طريقه رياضيه لدراسة مواضيع مختلفه . المهم اننا هنعمل لنفسنا مصفوفه شكلها كالتالي
عاجل وهام
|
غير عاجل وهام
|
عاجل وغير هام
|
غير عاجل و غير هام
|
كل واحد مننا يحط المصفوفه دي قدامه ويحدد اولوياته ...ودا هيساعد جدا في اننا نقدر ندير وقتنا بفاعلية فعلا
2- اتعود تقول "لا"
كلما لأ ...مهمه جدا ولازم تتعود انك تقولها لان ببساطه البني ادم الي بيقول نعم علي طول غالبا ما بيلبس في الحيطه لانه بيكون مثقل بالاعمال وبكده مش بيقدر يشتغل بكفائة في كل المطلوب منه ...
بس كلمه لا ... لعب و فن وهندسة
يعني اتعلم انك تكون دبلوماسي وانت بتقول لا و كمان تقولها بادب ... استخدم التفويض بمعني انك تقول لا وفي نفس الوقت توجد بديل دا بيخلي الناس تثق فيك وفي افعالك .
و انت بتقول لا ... اشرح انت بتقول لا ليه يعني ايه هي اسبابك والدوافع الي بتخليك مش هتقدر علي تنفيذ المطلوب منك في الوقت الحالي .
3- خلي عندك استراتيجيات ذكية .
يعني ايه الكلام دا ؟؟؟
- خليك حازمة.
- لا تبدا من الصفر.
- درب نفسكِ على إنجاز العمل.
- كونيعلاقات إيجابية مع زميلاتكِ.
- تعرف علي مضيعات وقتكِ وتجنبيها.
- تعلم القراءة السريعة.
- ضع التوتر تحت سيطرتكِ.
حاسه اني طولت عليكم النهار ده ... بكره ان شاء الله هكلمكم عن مضيعات الوقت وازاي نتعامل معاها
رمضان كريم
التعليقات على الموضوع