طلعت بحبها
تدويناتي
من حوالي كام شهر حصلي مشاكل كتير جت كلها ورا بعض ... اجتماعية ...مادية ...يوه دول كانو كتير اوي ...قعدت مع نفسي ولقيتني بقول مليش عيش في البلد دي...مش عارفه اتعامل مع الناس ..... و قررت اهاجر...
مع اني معايا عربيه .......لكن متبهدلة في السواقة عدم احترام الناس للمرور.
مع اني بشتغل بقالي سنين ....و شاطره ....لكن الشغل مقرف من ساعة ما باتديت اشتغل في شركات مصرية .
مع اني عايشه عيشه كريمة ...و مرتبي كويس جدا ... لكن مش مكفي .
و قعدت مع اخويا و اقنعته ... لازم نسيب البلد دي
لازم نهاجر .... مفيش كده ...
درست الموضع ... و الدنيا كانت ماشيه...و جبت الورق ...و عملت امتحانات ....وخلاص الاجراءات تاخد من سنه لسنه و نص و قلت خلاص باه يعدو بالطول و لا بالعرض ... و ديني في شغلي ... و اساعد ولادي الي في الجروب بالي اتعلمته ...و اساعدهم انهم يشتغلوا.. علي فكره الحمد لله شغلت ...3 من الجروب لحد دلوقت ...
و بصفة اني اصلا مليش في الكورة ...و لا بحبها ...لكن شاءت الظروف اني احضر الماتش الاول بين مصر و الجزائر...صدفة قلت اروح اتفرج ...اهو نقعد علي القهوة ...و نشجع ....تغير يعني...ولا كان في دماغي منتخب و لا فارق معايا اصلا الماتش ....و لا كاس عالم و لا اي حاجه ...هيصه و خلاص.....
بعد الماتش كنت بتفرج في حلوان ...و لقيت الشوارع فرحه جامده اخر حاجه ...و بنات و ستات و شباب في الشارع فرحانين ...و اول مره اسمع اغنية شادية يا حبيبتي يا مصر يا مصر .....و دموعي تنزل.....واقفة في وسط الناس و الزحمة ....وفكره واحده قدام عيني ...هتسيبي كل دا و تروحي فين ؟؟؟؟؟
دا ماتش كوره لمهم و جمعهم ....هتروحي فين لوحدك ....هتسيبهم و تروحي فين ؟؟؟ ولادك الي في الجروب الي بيستنو كلامك ...و انتي الحاجه الي بتديهم امل يكملوا...هتسبيهم و تروحي فين؟؟؟؟؟
يوم الماتش .... خدتها من مدينة نصر لحلوان في اكتر من ساعتين ....الشوارع مقفولة اخر حاجه ....بس اول مره اسوق العربيه في الزحمة دي و محدش يقلب نور علشان يعدي ...محدش يكلكس علشان زهق من الزحمة ...علم مصر في كل حته ...أول مره اخد المده الطويله دي و انا مش زهقانه ...مش عايزه اوصل ....محدش بيرخم عليك و لا حد بيكسر عليك ...اول زحمة اشوف فيها الناس مش متضايقه ...الناس مستمتعة بان المرور واقف...و اغاني اف ام كلها لمصر ...و العلم مغطي كل العربيات ...و ابتسامة علي وشوش كل الناس....تاني رجعت افكر ....هم مالهم حلوين كده ليه؟؟؟؟
وانا خارجه من عباس العقاد و معايا زميلتي في الشغل طبعا الشارع واقف اخر حاجه...فتحت الشباك ...و كلمت شاب في العربية الي جنبي ...توقعاتك ايه للماتش ؟؟؟...قالي فايزين ان شاء الله....عديت من قدامه ووسعلي الطريق ...لو كان يوم غير دا ...كان زماني التبهدلت و اتشتمت ...لكن الشاب بصلي و ضحك جدا ....و عملي باي ....
لما رحت اتفرج علي الماتش كنت مستغربه جدا ...خاصه ان احدهم ...بتكلم علي نهاد رجب طبعا....قالي الجزاير هتكسب واحد صفر... و لما دخل فينا الجون ...مكنتش مصدقة ....وبعد الماتش ......حالة من السكون الرهيب حلت علي البلد ....و لاول مره في حياتي ...ابكي علشان ماتش كورة ...و لما رجعت البيت مش عايزه اعمل حاجه غير اني انام ...و صحيت الصبح عندي حاله اغرب اني مش عايزه اكلم حد ... و مش عارفه اشتغل..
كل الي حواليا عارفين اني عامله مقاطعة للجرايد ....و برامج الحاوارية ....ومش عايزه اعرف حاجه ...مقرره اهاجر باه ...لقيتني داخله مش عارفه اشتغل و كل الي عاملاه فاتحة صفحات الجرايد....و مبشوفش حاجه غير اعادة البرامج الي بتتكلم عن الموضوع ...وخايفه علي كل فرد كان في السودان ...و بتمني لو اني اعرف اكلمهم واحد واحد اطمن عليهم ... انهارده ...الجمعة أول مره اشتري جرنال من سنين ....اول مره انزل من بيتي علشان ادور علي الجرايد و اعرف اخبار اهلي ايه....أول مره استني اغنية شادية علشان اعليها و اغني معاها...تصدقو بجد بجد ....طلعت بحبها ....
زعلانه منها ....لكن بحبها ....يا جماعة دا الزعل قد الغلاوة ....و مصر طلعت بجد غالية عليا ....
قراري ......جرايد كل يوم ........مفيش هجرة ..قطعت الورق ... و قاعده علي قلبكو ...و يا انا يا انتو يا شباب مصر... اقسم بالعلي العظيم لافضل زن علي ودانكم لحد ما يتصلح حالكم ....
و عارفه مهما قالو عنك ...مهما زعلت منك .....برضو حبيبتي يا مصر يا مصر
رشا خليفة
من حوالي كام شهر حصلي مشاكل كتير جت كلها ورا بعض ... اجتماعية ...مادية ...يوه دول كانو كتير اوي ...قعدت مع نفسي ولقيتني بقول مليش عيش في البلد دي...مش عارفه اتعامل مع الناس ..... و قررت اهاجر...
مع اني معايا عربيه .......لكن متبهدلة في السواقة عدم احترام الناس للمرور.
مع اني بشتغل بقالي سنين ....و شاطره ....لكن الشغل مقرف من ساعة ما باتديت اشتغل في شركات مصرية .
مع اني عايشه عيشه كريمة ...و مرتبي كويس جدا ... لكن مش مكفي .
و قعدت مع اخويا و اقنعته ... لازم نسيب البلد دي
لازم نهاجر .... مفيش كده ...
درست الموضع ... و الدنيا كانت ماشيه...و جبت الورق ...و عملت امتحانات ....وخلاص الاجراءات تاخد من سنه لسنه و نص و قلت خلاص باه يعدو بالطول و لا بالعرض ... و ديني في شغلي ... و اساعد ولادي الي في الجروب بالي اتعلمته ...و اساعدهم انهم يشتغلوا.. علي فكره الحمد لله شغلت ...3 من الجروب لحد دلوقت ...
و بصفة اني اصلا مليش في الكورة ...و لا بحبها ...لكن شاءت الظروف اني احضر الماتش الاول بين مصر و الجزائر...صدفة قلت اروح اتفرج ...اهو نقعد علي القهوة ...و نشجع ....تغير يعني...ولا كان في دماغي منتخب و لا فارق معايا اصلا الماتش ....و لا كاس عالم و لا اي حاجه ...هيصه و خلاص.....
بعد الماتش كنت بتفرج في حلوان ...و لقيت الشوارع فرحه جامده اخر حاجه ...و بنات و ستات و شباب في الشارع فرحانين ...و اول مره اسمع اغنية شادية يا حبيبتي يا مصر يا مصر .....و دموعي تنزل.....واقفة في وسط الناس و الزحمة ....وفكره واحده قدام عيني ...هتسيبي كل دا و تروحي فين ؟؟؟؟؟
دا ماتش كوره لمهم و جمعهم ....هتروحي فين لوحدك ....هتسيبهم و تروحي فين ؟؟؟ ولادك الي في الجروب الي بيستنو كلامك ...و انتي الحاجه الي بتديهم امل يكملوا...هتسبيهم و تروحي فين؟؟؟؟؟
يوم الماتش .... خدتها من مدينة نصر لحلوان في اكتر من ساعتين ....الشوارع مقفولة اخر حاجه ....بس اول مره اسوق العربيه في الزحمة دي و محدش يقلب نور علشان يعدي ...محدش يكلكس علشان زهق من الزحمة ...علم مصر في كل حته ...أول مره اخد المده الطويله دي و انا مش زهقانه ...مش عايزه اوصل ....محدش بيرخم عليك و لا حد بيكسر عليك ...اول زحمة اشوف فيها الناس مش متضايقه ...الناس مستمتعة بان المرور واقف...و اغاني اف ام كلها لمصر ...و العلم مغطي كل العربيات ...و ابتسامة علي وشوش كل الناس....تاني رجعت افكر ....هم مالهم حلوين كده ليه؟؟؟؟
وانا خارجه من عباس العقاد و معايا زميلتي في الشغل طبعا الشارع واقف اخر حاجه...فتحت الشباك ...و كلمت شاب في العربية الي جنبي ...توقعاتك ايه للماتش ؟؟؟...قالي فايزين ان شاء الله....عديت من قدامه ووسعلي الطريق ...لو كان يوم غير دا ...كان زماني التبهدلت و اتشتمت ...لكن الشاب بصلي و ضحك جدا ....و عملي باي ....
لما رحت اتفرج علي الماتش كنت مستغربه جدا ...خاصه ان احدهم ...بتكلم علي نهاد رجب طبعا....قالي الجزاير هتكسب واحد صفر... و لما دخل فينا الجون ...مكنتش مصدقة ....وبعد الماتش ......حالة من السكون الرهيب حلت علي البلد ....و لاول مره في حياتي ...ابكي علشان ماتش كورة ...و لما رجعت البيت مش عايزه اعمل حاجه غير اني انام ...و صحيت الصبح عندي حاله اغرب اني مش عايزه اكلم حد ... و مش عارفه اشتغل..
كل الي حواليا عارفين اني عامله مقاطعة للجرايد ....و برامج الحاوارية ....ومش عايزه اعرف حاجه ...مقرره اهاجر باه ...لقيتني داخله مش عارفه اشتغل و كل الي عاملاه فاتحة صفحات الجرايد....و مبشوفش حاجه غير اعادة البرامج الي بتتكلم عن الموضوع ...وخايفه علي كل فرد كان في السودان ...و بتمني لو اني اعرف اكلمهم واحد واحد اطمن عليهم ... انهارده ...الجمعة أول مره اشتري جرنال من سنين ....اول مره انزل من بيتي علشان ادور علي الجرايد و اعرف اخبار اهلي ايه....أول مره استني اغنية شادية علشان اعليها و اغني معاها...تصدقو بجد بجد ....طلعت بحبها ....
زعلانه منها ....لكن بحبها ....يا جماعة دا الزعل قد الغلاوة ....و مصر طلعت بجد غالية عليا ....
قراري ......جرايد كل يوم ........مفيش هجرة ..قطعت الورق ... و قاعده علي قلبكو ...و يا انا يا انتو يا شباب مصر... اقسم بالعلي العظيم لافضل زن علي ودانكم لحد ما يتصلح حالكم ....
و عارفه مهما قالو عنك ...مهما زعلت منك .....برضو حبيبتي يا مصر يا مصر
رشا خليفة
التعليقات على الموضوع