قاعدة صحاب... مع الفيس بوك

تدويناتي



كلمت الفيس بوك و قلت إني عايره أتعرف عليه اكتر ... ممكنا نتقابل...

و فعلا قابلني في كافيه من كافيهات اليو فالي ... و جلسنا نتجاذب أطراف الحديث ...

و زى ما عملت سعاد حسني في فيلم خلي بالك من زوزو .... كان السؤال السينمائي

" من أنت؟؟؟؟"

بابتسامه لطيفه... قالي أنا الفيس بوك أنتي مش عارفاني و لا إيه؟؟؟؟؟؟؟

عارفه يا رشا ...

في الأول كان الموضوع مجرد مجموعة أصدقاء حبو يتجمعوا مع بعض عندي استضفتهم و بعد كده.... دخل معاهم أصدقاء و أصدقاء و أصدقاء .... لحد ما أصبح كل العالم ب يتاقبل عندي هنا ....

يعني اللي بيموت بتعرف أخباره من هنا .... و إلي يتولد كمان بتعرف أخباره من هنا

و اللي عايز يبيع حاجه ... و اللي عايز يشتري

اللي نفسه يكتب و مش لاقي حد يقرا اللي كتبه.... فيكتب عندي

أنا عالم يا رشا ....

فيه كل المستويات ...

المفكر .... و اللي مش هاين عليه يشغل دماغه

المبدع .... و المبادر ... و الوي قاعد مستني الفرج

اشي بيهرج و اشي بينكت و اشي بيدورعلي بنات..... بقولك أنا عالم ... يا رشا

بفرح يا رشا بنجاح الناس اللي بتشوق طريقها من عندي .... يعني شوفي كآم كاتب ألف كتاب و كانت بدايته الفيس بوك؟؟؟؟

ولا لما الناس تتجمع علي رأي واحد ولا مبدأ واحد.... و كلهم يدافعون عن قضية ....

ولا لما واحد يشكي لي همه ...

 أنا بعيش معاهم أحزانهم و أفراحهم ومتاعبهم

سرحت في كلامه وللحظة أتمنيت أكون الفيس بوك .... يمكن اقدر اعمل حاجه.... أصل الفيس بوك مش بس هزار و العاب ...
عارفين رأيي إيه

الفيس بوك مش تعارف وخلاص... الفيس بوك مش أسماء مستعارة ... علشان أوصل لتفا هات ...

الفيس بوك فرصة .... يا تستغلها صح.... يا اما ... آنت الخسران

رشا خليفة

هناك 4 تعليقات:

  1. جميل اوى اوى اوى الحوار ده
    بل رائع

    ردحذف
  2. كلامك صح جداً جداً جداً
    والإسلوب أكتر من رائع

    ردحذف
  3. كلامك صح جدا
    بس الفيس اطور مع استخدام الناس يعنى مكنش حاطط ده هدف قدامه
    ولكن التطور اهم شىء وده الفرق

    ردحذف
  4. انا شايف انك مبهورره بالفيس زياده عن اللزوم

    احنا كمصرينن و عرب لا نفرق مع الفيس بوك و لا مع صاحب الموقع و لا اى حاجه
    و الكلام الى كاتبها ده عادى جدااا ان يحصل فى الفيس
    لان ده عادى اصلا
    مش شيى فوق الفظيع

    على الاقل الدعم للغه العربيه و للمستخدمين العربى
    يعتبر زباله
    عكس
    للبيحصل لليوزر الاجنبى و كميه الدعم و الحمايه لليه
    و لبياناته

    لكن انتى لو بياناتك الى اديتها للموقع و حصلها اى حاجه
    اولع مش هيردو عليكى اصلا

    ردحذف