الخاسر الأكبر....يا تري مين؟؟؟؟

تدويناتي


طبعا كل الناس شافت الي كتباه علي الول 

......و بيسأوني عن سبب الي كتبته ...انا 

حكيلكم الحاية و انتو


احكموا بأه ...ازعل ؟؟؟؟و لا ازعل؟؟؟؟؟

اول ما ابتديت الجروب ...كنت ببعت 

مواضيع احاول افوق فيها الشباب من 

الغيبوبه .... و لما لقيت ان الناس 

بتبعتلي 

عايزه شغل و مش لاقيه ....و انا في 

وقت 

من الاوقات مريت بدا صحيح مكنتش بمر 

بالفتره دي كتير لكن كانت بتعدي عليا 

برضه ...كام شهر كده قاعده في البيت من غير شغل ....بس الحقيقه مكنتش 

بطول ...ما علينا نرجع مرجوعنا تاني لموضوعنا ....

الموقف الأول ......

بعت اعلان علي الجروب ادور علي سكرتيره .... من 1000 عضو بعتلي 16 

....كلمتهم ...شرفني بالحضور 4 ...بس الحمد اخدت منهم 1 ...و اشتغلت في 

الموارد البشرية ...بعد شهر ...قالت معلش انا هسيب الشغل اصلي مش 

مستحمله شغل المدارس ..... و شلت شغلها لحد ما الاقي حد تاني ....بس 

الحمد لله حد تاني جه شال الموضوع ....

العقده ...ان المؤسسات بتطلب خبره ...و الشركات بتقول عايزه ناس بخبره 

سابقه ....

قلنا خلاص هنقنع الشركات تاخد ناس معندهمش خبره ....وفعلا الشركات 

ابتدت 

تاخد من الجروب ...

دا ينقلنا للموقف الثاني .....

تصل بالناس من تليفوني و احدد مواعيد لشركة في 6 اكتوبر ...من 9 يروح 3 

....و الله كتر خيرهم ...الشركة عصرت علي نفسها لمونه و قالو يطلبو تاني من 

عندي ....و قالو انهم عندهم 30 فرصة عمل ...مبيعات عقارية ...مرتب 2500 

جنيه 

دا غير العمولة ...ابعتلو 150 اسم و رقم تليفون ...و يتصلو بيهم ...كلهم ...يروح 

12 :) طبعا ...الشركه قالتلي ... هي كانت مفاجأه جميله ...يا ريت متتكررش 

....معلش احنا مش هناخد من الجروب تاني دول غير متحملين للمسئولية.

الموقف الثالث...........

مدارس ...عايزين مدرسين انجليزي وحجات كتير ....طب ايه الي حصل ؟؟؟؟


25 ...اتصلت بيهم ...راح منهم 9... و ال 9 اتقبلوا ..و اتعملهم عقود ...و تم 

تدريبهم 

علي تقنيات المدرسة ...و اتوزعو علي المدارس اول يوم في الترم الثاني ....و 

حضراتهم مشيو و مراحوش تاني ...اصل هم مش عايزين يبتدو السلم من أوله 

...مش عايزين يدرسو لKG .....عايزين ثانوي :)....

الموقف الرابع.....

شركة طلبت مني مبيعات ...شركه كبيره جدا ....مبيعات وتامين صحي و 

اجتماعي ومرتب ثابت وكمان عمولة وشركة الأولي في المواد الغذائية بعد 

الشركات العالمية ...و منتج بايع نفسه ...و الي بيعرف يسوق ...هيديلو عربية 

...و الي مبيعرفش ...هينزلوا معاه سواق ...كان فيه 4 شباب ظروفهم بجد 

صعبه 

اخر حاجه ...واحد منهم عنده اثنين اخوات معاقين ومحتاج الفلوس .....كلمني و 

قالي انهم متصلوش بيه ...منا كنت باعته كل الاسماء مع بعض ...اتصلت بمدير 

الشركة ...قالي انا اسف لان الناس الي عندك كل ما نكلم حد يقولنا هنفكر 

...فمش هنقدر ناخد حد تاني ....معرفتش اعمل ايه؟؟؟ صعب عليا الولد الي 

فعلا محتاج الشغل و اتاخد في الرجلين ....

كفايه كده و لا عايزين مواقف كمان ..... عموما المواقف كتير ....دي عينه من 

الي 

واجهته خلال الشهرين الي فاتو... بالله عليكم دا عدل؟؟؟؟؟ 

و يقولو مفيش شغل ..... دلوقت كل الناس الي بتبعتلي علي الانبوكس و لا 

علي الول يقولو محتاجين شغل ....طب اجيب منين شركات ....لما الناس الي انا 

جايه اساعدهم ....مش عايزين يساعدو نفسهم؟؟؟؟؟دا كمان مش بس بيضرو 

نفسهم ...دا كمان بيضيعو الفرص علي غيرهم ..... حرام دا و لا 

حلال؟؟؟؟؟؟؟؟؟؟؟؟؟؟؟

رشا خليفة

هناك 11 تعليقًا:

  1. السلام عليكم
    بارك الله فيكِ
    هذه الزيارة الأولى لي هنا لكنك لمستِ قضية هامة وهي أن شبابنا متواكل ولا يريد أن يعمل ، لا نعمم ولا نرص حالة وواقع له نسبة كبيرة
    هذا أمر كارثي
    يلومون غيرهم وأولى بهم لوم أنفسهم

    ردحذف
  2. رشا لا يغير الله ما بقوما الا يغيروا ما بانفسهم

    الله يكون فى عونك بلد لا بقى فيها بنات و لا رجاله اساسا

    ردحذف
  3. بصى يا رشااحنا عارفين انك بتتعبى وبتبزلى مجهود غير عادى ووالله ربنا هيجازيكى خير على اللى انتى بتعمليه بس هتعملى ايه انتى لازم تكملى المسيرة عشان فعلا فى ناس بتبقى محتاجة لشغل ومش لاقية ولازم تقفى جمبهم زى ماتعودوا منك ومعلش انتى هتتعبى شوية بس اكيد هيبقى فى نتيجة فى الاخر وجزاكى الله خير

    ردحذف
  4. عندك حق انك تزعلي .. ... بس معلهش كملي المشوار وربنا حايكون معاكي .. والمفروض الشباب نبقي عندن شوية من الاحمر ..... اه يعني مافيش شغل في البلد .... جاءت فرصة .. استمر بقي وروح وجرب وعيش حياتك ... حلوة خير وبركه .. وحشة اهو جربنا .... ولا نتكلم ونوعد .. ونطلع الناس شكلهم وحش ويزعلوا !!! ( مش كده ولا ايه ) !!!!!

    ردحذف
  5. بارك الله فيكى ربنا يعينك ويقدرك على فعل الخير لينا ولكل الناس بس هو انتوا مش بتطلبوا محاسبين خالص ليه يمكن دول اللى يبيضوا وشك مع الناس جربى كده وانا اكون اولهم ان شاء الله لانى بصراحه قاعد من الشغل

    ردحذف
  6. بجد عندك حق
    و ليكي حق تزعلي

    ردحذف
  7. السلام عليكم
    جزاك الله خير على جهودك
    بس ياترى ليه هما بيعملوكده؟ ليه الشباب لما بتيجي ليهم فرصة عمل بيتكبروا وبيفكروا ؟
    يمكن لانهم فاكرين انه وظيفة الأحلام جاية براتب خيالي وسكرتيرة وانه الشركات بيجرو وراهم !
    لازم الناس تعرف انه محدش بيتولد كبير والسلم بيبدأ بخطوة ونعلى بخطوة ومستحيل انه في انسان ينط السلم مرة واححدة

    ردحذف
  8. معلش فى كل مكان دئما بنلقى الشباب غير المسوول
    اللى بيضر نفسه وغير وكمان بيدى فكره سيى عن الجيل كله

    ردحذف
  9. مدحت اباظه27 أبريل 2010 5:53 ص

    فيه حاجه عايز اقولها حضرتك ادمتى خدمه لطرفين مش طرف واحد والطرفين مقدروش الى انت عملتيه الطرف الاول هما الشباب واحنا كلنا عرفين ايه صفات الشباب وحيتهم ازاى وافكرهم فى اى اتجاه واحلمهم فين والكلام ده الشخص العادى بيعرفه بالك بقى شركه او مؤسسه زى ما حضرتك بتقولى هم اول ناس لازم يكونه محددين الصفات والسلبيات الى عليها الشباب يبقى والشركه او المؤسسه الى طلبت ناس من حضرتك ووفرتلهم الى عندك والمتاح يبقى انت قدمتى ليه خدمه محدش بيعملها فى الزمن ده يبقى لازم يكون فى تقدري من الطرف الثانى اكثر من كده تقدير معنوى يعنى

    ولا يكلف الله نفس الا وسعها

    شكرااا

    ردحذف
  10. هو ده العدل يا سيادة القاضى؟؟؟؟؟؟؟

    ردحذف